Vazhdojnë pritjet e gjata në Merdarë dhe te Dheu i Bardhë

Mërgimtarët po vazhdojnë të përballen me pritje të gjata në pikëkalimet kufitare ndërmjet Kosovës dhe Serbisë.

Pritjet më të gjata janë në dy pikëkalimet kryesore, në Merdarë dhe te Dheu i Bardhë, si në hyrje nga Serbia në Kosovë, ashtu edhe në dalje nga Kosova, raporton Albinfo.ch.

Sipas të dhënave të fundit të Qendrës Kombëtare për Menaxhim Kufitar, në Merdarë pritjet si për të hyrë, si për të dalë nga Kosova, po zgjasin deri në dy orë.

Ndërsa në pikëkalimin te Dheu i Bardhë, pritjet për të hyrë nga Kosova po zgjasin mbi një orë, ndërsa për të dalë nga Kosova rreth një orë e gjysmë.

Pritje deri në 20 minuta ka edhe në Muçibabë dhe në Mutivodë./Albinfo.ch/