Vazhdon të rritet papunësia në Bashkimin Evropian, shkak Covid-19

Foto ilustrim

Të dhënat e fundit tregojnë se papunësia në Evropë po vazhdon të rritet, përcjell albinfo.ch.

Zyra e statistikave e Bashkimit Evropian (BE) “Eurostat”, ka bërë të ditur se në muajin qershor shkalla e papunësisë në BE është rritur në 7,1 për qind.

Kjo rritje e papunësisë po i atribuohet krizës ekonomike të shkaktuar nga Covid-19.

Nga muaji në muaj, numri i personave të papunë që nga fillimi i pandemisë është rritur për 281 mijë.

Eurostat thekson po ashtu se në muajin maj shifra e papunësisë në BE kishte qenë 7 për qind, më e lartë se në muajin paraprak.

Tek gratë në BE, shkalla e papunësisë në muajin qershor ishte 7,5, ndërsa tek burrat ishte 6,7 për qind.