Esma Rexhepova, mbretëreshë e romëve nuk është më

Esma Rexhepova ka vdekur pas një sëmundjeje të gjatë. Ajo ka lindur më 1943 në Sutka, periferi rome e Shkupit. Karriera e saj filloi në vitin 1958, kur ajo mori pjesë në emisionin e radios “Mikrofoni është juaj” në kanalin kombëtar maqedonas. Aty ajo ra në vesh të muzikantit Stevo Teodosievski, i cili më në fund arriti t’i bindë prindërit e saj për ta marrë atë me vete.

Me “Ansambl Teodosievsk” zonjusha Esma Rexhepova promovohet në të gjitha skenat e botës, nga Nju-Jorku në Sydney e Paris, ku ajo ka luajtur edhe në sallën e njohur “Olimpia”. Në vitin 1968 ajo martohet me Stevon dhe themelon një shkollë të muzikës, ku i pret “fëmijët” e saj.
Esma Rexhepova ishte në Festivalin e parë botëror të muzikës rome, i mbajtur në vitin 1976 në Indi, ku filloi të këndojë me pseudonimin “Mbretëresha e romëve”. Me mbi 50 vjet karrierë mbresëlënëse, ajo ka dhënë rreth 12.000 koncerte. Është ndalur të këndojë mezi një vit, kur burri i saj vdiq më 1997, dhe më pas formon orkestrën “Teodosievski” me nxënës nga shkolla e saj, duke dhënë koncerte në mbarë botën.

Diva rome ishte e njohur për angazhimin e saj në aktivitete humanitare. Përveç fëmijëve që kishte mbledhur dhe edukuar bashkë me Stevo Teodosievskin, Esma Rexhepova ishte e përfshirë në shumë aktivitete shoqërore, duke përfshirë të drejtat e grave apo emancipimin i popullit rom. Ajo do të mbetet një nga ambasadoret më të mira të Maqedonisë.