Vendet që kanë më së shumti rezerva të arit

Ari i blerë në vitet 2015 dhe 2016 ishte gjithashtu më shumë se 200 tonë, pra 206 dhe 200.7 tonë

Rusia kishte planifikuar që në vitin 2018 të blejë 300 tonë ari, sipas një raporti nga Këshilli Botëror i Arit, shkruan albinfo.ch.

Për 11 muajt e parë të vitit 2018 vendi ka rritur rezervat e tij të arit me një rekord prej 263.9 tonë, më shumë se sasia e blerë për gjithë vitin 2017, e barabartë me 223.5 tonë.

Ari i blerë në vitet 2015 dhe 2016 ishte gjithashtu më shumë se 200 tonë, pra 206 dhe 200.7 tonë.

Gjatë 10 vjetëve të fundit, Rusia ka rritur rezervat e saj të arit me 1.583 tonë, por ende zë pozitën e pestë midis vendeve me rezervat më të mëdha të arit.

Sipas të dhënave të fundit, rezervat e vendit tani janë 2,066 tonë, 370 tonë më pak se Franca, e cila është në vendin e katërt.

Ndër vendet e para me rezervat më të mëdha të arit në botë janë Shtetet e Bashkuara, Gjermania dhe Italia.

Pastaj në renditje ndiqen Rusia, Kina, Zvicra, Japonia, Holanda dhe India.

Kush janë blerësit e tjerë të mëdhenj në vitin 2018?

Turqia dhe Kazakistani blenë njëra 51 dhe tjetra 45 tonë, ndërsa India rriti rezervat me 33.9 tonë.

Dy vende afër nesh ishin gjithashtu ndër blerësit e mëdhenj të arit. Hungaria rriti rezervat e arit me 28.4 tonë, ndërsa Polonia bleu 25.7 tonë.

Më shumë se 10 tonë është një rritje për Mongolinë, ndërsa Argjentina bleu 7 tonë ari në 11 muajt e parë të vitit 2018.

Rezervat e arit në botë sot vlerësohen në 33,872 tonë, ndërsa vendet e Eurozonës, duke përfshirë edhe Bankën Qendrore Evropiane, kanë 10,778 tonë.

---