Vendimi i KQZ-së për verifikimin e votuesve të diasporës po cilësohet antikushtetues

Analisti politik dhe njohësi i çështjeve juridike, Vigan Qorrolli, e ka vlerësuar antikushtetues vendimin e sotëm të Komisionit Qendror të Zgjedhjeve, ku është paralajmëruar se votuesit jashtë vendit, ata që aplikojnë për votim, do të telefonohen nga KQZ-ja, e në rast se nuk lajmërohen, do të humbin të drejtën e votës.

“Ky është një vendim antikushtetues ‘par excellance’, sepse asnjë shtetasi të Republikës së Kosovës nuk mund t’i cenohet e drejta për të zgjedhur dhe për t’u zgjedhur, e garantuar me nenin 45 të Kushtetutës. Një vendim që në aspektin juridik i shkel liritë dhe të drejtat e njeriut, ndërsa në aspektin politik i cenon garancitë e një procesi zgjedhor fer dhe të drejtë!”, ka shkruar Qorrolli në Facebook.

Ndaj këtij vendimi ka reaguar ashpër edhe Lëvizja Vetëvendosje.