Vendosi flamurin shqiptar në hapësira publike, kreu i Komunës së Preshevës, në gjyq

Kryetari i Komunës së Preshevës, Shqiprim Arifi, ka bërë një postim në rrjetin e tij social, ku shkruan se është hedhur në gjyq nga gjykata serbe për vendosjen e flamurit shqiptar në hapësira publike.

Arifi shprehet se ftesa dëshmon edhe më shumë shkeljet dhe diskriminimin që Serbia ua bën shqiptarëve të Luginës.

“Sot kam pranuar një ftesë për paraqitje në gjykatën e Serbisë, me arsyetimin se kemi shkelur ligjet e këtij shteti për faktin e vendosjes së flamurit kombëtar shqiptar në hapësirë publike. Kjo ftesë dëshmon edhe më shumë shkeljet dhe diskriminimin që Serbia ua bën shqiptarëve të Luginës, por për flamur do të paguajmë gjithmonë”, shkruan Arifi.