Vijon protesta në Tiranë, katër policë të lënduar

KEYSTONE/AP Photo/ Hektor Pustina

Vijon protesta e opozitës në bulevardin “Dëshmorët e Kombit”, para Kryeministrisë, ku nuk kanë munguar edhe aktet e dhunës dhe vandalizmi ndaj godinës së Kryeministrisë.

Për të disatën herë me radhë protestuesit kanë mësyrë drejt hyrjeve të Kryeministrisë, por janë zprapsur vazhdimisht nga policia, që ka përdorur gazin lotsjellës.

Gazetarët e Top Channel, të cilët raportojnë direkt nga protesta, thonë se të paktën 4 efektivë policie dhe dy protestues kanë mbetur të plagosur, përcjell albinfo.ch.

Efektivët janë goditur me sende të forta nga protestuesit, gjatë përplasjeve për të çarë rrethimin, tentativë që është bërë në mënyrë të vazhdueshme nga turma.

Gjithashtu shumë persona, përfshirë protestues dhe efektivë të policisë, kanë marrë ndihmën e parë, pasi kanë pasur vështirësi në frymëmarrje, për shkak të gazit lotsjellës.