Viti 2018, viti i Skënderbeut

“Mbyllëm diskutimin maratonë me skuadrën e re qeverisëse. Vendimi i parë i qeverisë do të jetë shpallja e vitit 2018, VITI I SKENDERBEUT”, ka shkruar Rama në rrjetet sociale

Keystone

Kryeministri i Shqipërisë, Edi Rama ka njoftuar për mbylljen e mbledhjes dyditore me ministrat e rinj, derisa vendimi i parë i qeverisë së re do të jetë mjaft interesant.

Sipas Ramës, viti 2018 do të jetë viti i Skënderbeut. “Mbyllëm diskutimin maratonë me skuadrën e re qeverisëse. Vendimi i parë i qeverisë do të jetë shpallja e vitit 2018, VITI I SKENDERBEUT”, ka shkruar Rama në rrjetet sociale, përcjell albinfo.ch.

Vitin e ardhshëm, pra më 2018, bëhen 550 vjet, nga vdekja e heroit kombëtar, Gjergj Kastrioti Skënderbeu.