Viza për të hyrë në Kosovë

Autoritetet kosovare do të aplikojnë viza që nga 1 janari i vitit të ardhshëm për qytetarët e 86 shteteve të botës

Në mesin e shteteve ndaj të cilave do të aplikohet regjimi i vizave ka shtetet që përbejnë kërcenim për sigurinë e brendshme të Kosovës dhe paqes ndërkombëtare, në përgjithësi.

Ndërkaq, zëvendësministri i punëve të Jashtme, Ibrahim Gashi tha për mediat e Kosovës se ky vendim hyn në fuqi më 1 janar, 2013.

“Regjimi i vizave hynë në fuqi nga 1 janari 2013. Deri atëherë ne do të hartojmë legjislacionin e nevojshëm, do të rrisim numrin e stafit konsullor në konsullatat e Kosovës por edhe do të bëjmë marrëveshje me vendet mike të Kosovës që disa ambasada të tyre të mund të lëshojnë viza në emër të Kosovës”, tha Gashi.

Përzgjedhja e shteteve për të cilat do të aplikohet regjimi i vizave është bërë në bazë të kriterit se sa paraqesin kërcënim për sigurinë e shtetit të Kosovës, kërcënim për paqen dhe stabilitetin ndërkombëtarë; dhe për vendet e listës së zezë të Shengenit.