Vjena vaksinon pacientë me rrezik të lartë të të gjitha moshave

Qyteti i Vjenës ka filluar fushatën tjetër të vaksinimit kundër virusit korona. Pacientët me rrezik të të gjitha moshave tash e disa ditë janë duke u regjistruar . Në këtë grup përfshihen rreth 130,000 persona që janë banorë të Vjenës, njofton albinfo.at

Në kryeqytetin austriak bëhet e ditur se janë saktësisht 129,617 pacientë që konsiderohen me rrezik të lartë – përfshirë këtu njerëzit që vuajnë nga astma ose diabeti. Këta persona janë regjistruar ose pritet të regjistrohen në shërbimin e vaksinimit të Vjenës, shkruan orf.at. 64,744 njerëz nga ky grup kanë caktuar kohën e vaksinimit ose janë vaksinuar. Meqenëse shumica e 62.7 përqind janë 65 vjeç ose më të vjetër, ata mund të vaksinohen përmes fushatës së përgjithshme të vaksinimit për njerëzit e lindur nga viti 1956 ose më të vjetër, përcjell albinfo.at

63,000 termine vaksinimi për të rinjtë me rrezik të lartë

Për grupin e quajtur pacientë të rinj me rrezik të lartë janë hapur 63.000 termine. E rëndësishme: Rezervoni personalisht terminin e vaksinimit, edhe nëse tashme jeni të shënuar. Qyteti i Vjenës ka njoftuar se për shkak të problemeve teknike nuk po arrinë më kohë t’i njoftoj të gjithë pacientët. Prandaj, mos prisni mesazhin që t’ju vije, shkoni personalisht dhe rezervoni termin në qendrat e hapura për vaksinime.

Vaksinat e para fillojnë të hënën. “Me këtë ofertë shtesë të vaksinimit, të gjithë pacientët me rrezik të lartë në Vjenë që duan të vaksinohen tani mund të përfitojnë të bëjnë vaksinimin e parë, “thanë nga zyra e Këshillit të qytetit.

Kush bën pjesë në grupin e rrezikut:

Sipas tabelës aktuale, grupet e rrezikut konsiderohen si më poshtë:

Personat me aftësi të kufizuar mendore apo fizike

Sëmundjet kronike të veshkave, mëlçisë

Diabeti

Aritmia

Infeksioni HIV

Sëmundjet koronare të zemrës

Infarkt

Sëmundjet kronike neurologjike

Sëmundjet autoimune

Sëmundjet kronike obstruktive e mushkërive

Sëmundjet kronike inflamatore të zorrëve

Sëmundjet kancerogjene

Hipertensioni arterial

Sëmundjet reumatike

Astma bronkialë

Anulimi i terminit të vaksinës, pa ndonjë ndëshkim

Ende ka termine të lira sepse jo të gjithë pacientët që i takojnë këtij grupi janë lajmëruar për t’u vaksinuar. Poashtu terminë të lira ka edhe për personat mbi moshën 65 vjeç.

Në anën tjetër kushdo që anulon terminin e rezervuar nuk do të përballet me ndonjë pasojë. Ju mund të regjistroheni përsëri në çdo kohë. Një nga qendrat ku mund të regjistroheni dhe merrni vaksinën është edhe tek Austria Center.

Sipas informatave të albinfo.at, aty mund të gjeni edhe mjekë shqiptarë të cilët do ju ndihmojnë për gjitha procedurat e regjistrimit.

Për t’u regjistruar, klikoni këtu: https://impfservice.wien/

 

---