Vjosa Osmani nesër mbledh partitë për caktimin e datës së zgjedhjeve

Faton Peci, shefi i kabinetit të U.D. te Presidentit të Kosovës, Vjosa Osmani ka thënë se ajo do të ftojë qysh nesër në takim të gjitha partitë politike për të caktuar datën e zgjedhjeve.

“Ne planifikojmë qysh nesër të ftojmë të gjitha partitë politike për t’u dakorduar për datën e zgjedhjeve”, ka thënë Peci në Kanal 10, përcjell Albinfo.ch.

Ai ka thënë se Vendimet e Gjykatës Kushtetuese janë obliguese për të gjitha institucionet.

Gjykata Kushtetuese ka nxjerr aktgjykim pro kërkesës së Lëvizjes Vetëvendosje për shpalljen të pavlefshëm votimin në Kuvendin e Kosovës për zgjedhjen e Qeverisë Hoti më 3 qershor, pasi për këtë qeveri kishte votuar edhe deputeti Etem Arifi, i cili kishte një aktgjykim përfundimtar nga Gjykata e Apelit.