Vlerat ushqyese të kungulleshkës

Për 10 vjet me radhë në Florida janë realizuar studime epidermiologjike në mbi 15 000 persona, të cilëve iu kërkua të bashkëpunonin duke ngrënë sasira të mëdha kungulleshkash. Pas 10 vjetësh u pa se hasja e tumorit në mushkëri te duhanepirësit ishte më e ulët në 30 % në krahasim me rastet e tjera në vend.

Kungulleshka është një armë e fortë në profilaksinë e disa llojeve të tumorit. Gjithashtu kungulleshkat janë perime që kanë pak kalori dhe karbohidrate (sheqerna), për këtë motiv janë shumë të përdorura në dieta dhe të këshilluara për diabetikët. Është shumë e pasur me ujë (93% ujë për 100g kunguj), përmban kripëra minerale (potas, hekur, fosfor, kalcium, zolf) dhe vitamina (B2, PP, A, dhe sasi të vogla vitamine C). Është një nga perimet që stomaku e tret shumë shpejt dhe ideale është të gatuhet me avull (në këtë mënyrë nuk humb kripërat minerale).

Kungulleshkat kanë fuqi të lartë pastruese për organizmin (nga toksinat e ndryshme). Është e këshillueshme personave që kanë probleme me kapsllëkun (në këtë rast kungulleshkat duhen gatuar me gjithë lëkurë, e cila është e pasur me fibra), celulitin dhe personave që vuajnë nga veshkat (gurë apo ciste).

Kungulleshka është një nga perimet që gjen përdorime të shumta në kuzhinat tona. Mund të gatuhen të skuqura, në furrë (të mbushura), në supa me perime të tjera, ose në fërgesat e vezëve.