Von Cramon: Aleksandar Vuçiq ka organizuar takimin me Zelensky për të bërë presion mbi Ukrainën

Raportuesja për Kosovën në Parlamentin Evropian, Viola von Cramon, ka reaguar pas takimit të presidentit të Ukrainës, Volodymyr Zelensky, me atë të Serbisë, Aleksandar Vuçiq, në Athinë.

Ajo shkruan se Vuçiqi është takuar me Zelenskyn për të ushtruar presion mbi Ukrainën.

“E saktë: ka shumë gjasa që Aleksandar Vuçiq ta ketë organizuar takimin me Zelensky kryesisht për të bërë presion mbi Ukrainën: një armë për mosnjohjen e Kosovës. Shpresoj që Zelensky të kuptojë rrezikun politik që mund të sjellë një marrëveshje e tillë. Pavarësia dhe stabiliteti i Kosovës janë gjithashtu në interes të Ukrainës”, ka shkruar ajo, përcjell albinfo.ch.