Von Cramon: Shpallja e Pavarësisë, testament i përpjekjeve të palodhshme të presidentit Rugova

Eurodeputetja Vioa von Cramon, njëherësh raportuese për Kosovën në PE, ka uruar 16-vjetorin e Pavarësisë së Kosovës, përcjell albinfo.ch.

Në urimin e saj, ajo ka veçuar përpjekjet e presidentit Ibrahim Rugova në rrugën drejt arritjes së mëvetësisë.

“Më 17 shkurt, kujtoj edhe presidentin e ndjerë Rugova dhe lidershipin e tij vizionar. Deklarata e pavarësisë më 2008 është testament i përpjekjeve të palodhshme të Rugovës dhe shpirtin e qëndrueshëm të popullit të Kosovës”.

“Vizioni i tij për një Kosovë demokratike dhe përfshirëse, për një Kosovë multietnike, ku të gjithë qytetarët jetojnë të lirë nga frika dhe diskriminimi, shtruan themelet për kombin që festojmë sot”, tha Von Cramon.