Voziti 120 km/h në zonë banimi, refuzoi gjobën, dënimi i rritet në 75,000 franga

Refuzoi kategorikisht dënimin, gjoba kalon në 75 mijë franga

Një mjek i moshës 66-vjeçare në kantonin e St. Gallen ra në një kurth shpejtësie pranë Gommiswald – me 120 km/h jashtë qytetit, ku ishte e paraparë dyfish më pak, përcjell albinfo.ch.

Për këtë ai mori një gjobë nga forcat e rendit të trafikut, por ai nuk e pranoi.

Mediat zvicerane shkruajnë se mjeku i shëndetit publik do të duhej t’i përmbahej gjithmonë kufirit të shpejtësisë – edhe në rast urgjence.

Ai u arsyetua se ishte në urgjencë, mirëpo nuk është e qartë, sipas policisë, nëse 66-vjeçari ishte rrugës për në një detyrë – apo thjesht po merrte Mercedesin e tij për një udhëtim qejfi.

Por, një gjë është e qartë, mjeku i St. Gallen voziti shumë shpejt, 120 km/h në Uznacherstrasse në Gommiswald SG në drejtim të Ricken, ku lejohej 40 km/h më pak.

Duke qenë se ai ka kohë që po refuzon dënimin, shteti ka vepruar ndryshe karshi tij. Pavarësisht profesionit të tij, ai tashmë ka një gjobë prej 60 tarifash ditore prej 1,250 frangash secila, që rezulton në 75,000 franga.

Sipas “Linth Zeitung”, gjithsesi dënimi do t’i kushtojë shtrenjtë: duhet të paguajë ende shpenzimet procedurale dhe një gjobë – gjithsej 10.650 franga. Megjithatë, urdhri penal nuk është ende përfundimtar: mjeku nuk e pranon urdhrin penal dhe shkon në Gjykatën e rrethit. Gjithë procedura do të mbetet në dorën e Gjykatës, për të dhënë një vedim përfundimtar. /Albinfo.ch

---