Vritet krokodili pasi i kafshon dorën kujdestares së kopshtit zoologjik

Një kujdestare e kafshëve do të pastronte kafazin e krokodilit. Por kafsha agresive e ka kafshuar gruan në dorë

Një krokodil i një lloji të rrallë është qëlluar në kopshtin zoologjik të Cyrihut. Krokodili nga Filipinet kishte kafshuar kujdestaren e kafshëve dy ditë më parë. Sipas konceptit të urgjencës për raste të tilla, kopshti zoologjik i Cyrihut vendosi të vriste krokodilin, shkruan sda.ch.

Ngjarja e rëndë ka ndodhur të hënën në mbrëmje gjatë punës së pastrimit. Një kujdestare e kafshëve e kishte skajuar  krokodilin në fjalën për të pastruar kafazin e tij, transmeton albinfo.ch. Por kafsha agresive e ka kafshuar gruan në dorë për arsye ende të pashpjegueshme.

Për më tepër, krokodili nuk ia ka lëshuar ​​dorën kujdestares për disa minuta. Bazuar në konceptin e urgjencës për raste të tilla, kopshti zoologjik vendosi të qëllonte krokodilin.

Kujdestarja është dërguar në spital, ku ndërkohë është operuar. Ajo është ende në kujdesin spitalor. Sipas drejtorit të kopshtit zoologjik në largim, Alex Rübel, ajo është mirë, në raport me rrethanat.

Kafsha e vrarë ishte një specie e rrallë, përcjell albinfo.ch. Sipas kopshtit zoologjik, në kushte të jetës në natyrë kanë mbetur vetëm edhe 250 krokodilë të tillë të Filipineve.

---