Vritet një grua shqiptare nga Kumanova në Siri

Deri tani, në betejat në Siri dhe Irak janë vrarë të paktën 15 persona nga Maqedonia

Mediat shqiptare nga Maqedonia kanë raportuar se është vrarë një grua nga Kumanova, e cila ishte pjesë e ISIS-it.

Lajmi i është kumtuar njerëzve të afërm të saj, ndërsa ditëve të fundit u dhanë lajme edhe për vdekjen e dy shqiptarëve të tjerë, si pasojë e luftimeve të ashpra në Siri. Të dy shqiptarët ishin nga Kosova, përcjell albinfo.ch.

Gruaja nga Kumanova para katër viteve ishte arratisur nga shtëpia e saj, ndërsa më vonë gjendet në Siri në radhët e ushtrisë e Shtetit Islamik.

Ajo për katër vjet në rrethana të panjohura ka qëndruar në Siri dhe Irak dhe nuk ishin dhënë lajme rreth fatit të saj.

Më në fund është mësuar edhe lajmi për vdekjen e saj, gjatë luftimeve të fundit të ashpra në territoret, ku SHI-ja po pëson humbje të thellë dhe që ka humbur gati gjithë territorin që deri tani kishte nën kontroll.

Deri tani, në betejat në Siri dhe Irak janë vrarë të paktën 15 persona nga Maqedonia.