Vuçiq: Dialogu me Kurtin, i pakuptimtë

Presidenti i Serbisë, Aleksandar Vuçiç, tha të dielën se ende nuk ka vendosur nëse do të shkojë në Bruksel në takimin e thirrur për menaxhimin e krizës në Kosovë. Ai i ka quajtur të pakuptimta bisedimet me kryeministrin e Kosovës Albin Kurti, shkruan Zëri i Amerikës.

Shefi i Politikës së Jashtme të Bashkimit Evropian, Josep Borrell, ka paralajmëruar një takim për javën e ardhshme për menaxhimin e krizës ndërmjet kryeministrit të Kosovës, Albin Kurti dhe presidentit serb, Aleksandar Vuçiq, përcjell albinfo.ch.

Ky i fundit thotë se nuk ekziston dialogu me Albin Kurtin, pasi sipas tij, ai kërkon luftë me çdo kusht.

Se a do të marrë pjesë në takim, as kryeministri i Kosovës, Albin Kurti, nuk e ka vendosur. Ai pritet që këto ditë t’i japë përgjigje BE-së.