Të enjten janë zhvilluar ndeshjet gjysmëfinale të Ligës së Evropë, por futbollistët shqiptarë nuk kishin shumë fat.
Arsenali i Granit Xhakës dhe Shkodran Mustafës është mundur 1:0 nga Atletico Madrid dhe spanjollët janë kualifikuar tutje, shkruan albinfo.ch.
Xhaka dhe Mustafi luajtën nga fillimi, duke bërë paraqitje mjaft të mirë.
Ndërkohë, Salzburgu pas humbjes 2:0 nga Marseille, ktheu rezultatin në Austri, dhe ndeshja shkoi në vazhdime.
Por, këtu ishin të pafat, duke pësuar një gol në minutën e 117-të dhe u eliminuan.
Valon Berisha luajti 120 minuta për Salzburgun, dhe zhvilloi një ndeshje shumë të mirë.
Në finale të Ligës së Evropës do të luajnë Atletico Madrid-Marseille.
