Zaev: Më kanë thënë se do të më likuidojnë!

Keystone

Kryeministri i Maqedonisë, Zoran Zaev, në një intervistë për radio “Antena M” ka thënë se ka marrë informacione nga analistë rreth tij se është e mundshme ta likuidojnë.

Deklarata e Zaevit lidhet me ndikimin rus në rajon, duke bërë krahasimin mes Maqedonisë dhe Malit të Zi, përcjell albinfo.ch.

“Disa analistë më kanë thënë se tash është radha juaj. Nëse duhet të ndodh kjo, le të ndodh, unë kam pranuar të jem kryeministër i shtetit tim dhe vendit tim i duhet lider, jam i gatshëm të sjell vendime që i presin qytetarët, edhe në çmim të asaj që do të ndodhë”, u shpreh në Zaev në lidhje me ndikimin rus në Maqedoni, shkruan “Telegrafi Maqedoni”.

Zaev shtoi se në takime me diplomatë rusë, ai merr sugjerime që mos anëtarësohet Maqedonia në NATO.

“Ata kanë interesat e tyre, ne si Maqedoni i kemi interesat tona dhe ne do të anëtarësohemi në NATO”, përfundon Zaev.