Zaev nuk zbrapset, do të krijohet qeveria e re në Shkup

Kreu i opozitës, Zoran Zaev, ndërkohë ka bërë të ditur se nuk do të zbrapset në krijimin e qeverisë së re. «Qeveria e re do të krijohet në përputhje me ligjin dhe kushtetutën"

Keystone

Janë arrestauar të dielën në Shkup disa persona pas uzurpimit të dhunshëm të Parlamentit të Maqedonisë. Mediat në Shkup thonë se janë arrestuar gjashtë persona, në mesin e tyre edhe një funksionar i Shërbimit Informativ të Maqedonisë, shkruan agjencia gjermane e lajmeve, DPA.

Ministria e Brendshme e Maqedonisë publikoi edhe listën e 15 personave të shpallur në kërkim, të cilët akuzohen si organizatorë dhe sulmues brenda parlamentit të vendit. Gjatë uzurpimit të Parlamentit të Maqedonisë u lënduan 109 persona, ndër ta edhe tre deputetë, përcjell albinfo.ch.

Kreu i opozitës, Zoran Zaev, ndërkohë ka bërë të ditur se nuk do të zbrapset në krijimin e qeverisë së re. «Qeveria e re do të krijohet në përputhje me ligjin dhe kushtetutën”, ka thënë për mediat të dielën kreu socialdemokrat. Ai e cilësoi të ligjshme edhe zgjedhjen e Talat Xhaferit për kryetar të Parlamentit të Maqedonisë.