Zaev paralajmëron takimin me ndërmjetësin për emrin, Nimic

Kryeministri i Maqedonisë, Zoran Zaev, ka paralajmëruar se deri në fund të këtij muaji do të mbahen takimet e para me ndërmjetësin për emrin, Methju Nimic dhe me ekipet negociuese të dy vendeve, Maqedonisë e Greqisë.

Zaev në intervistën për Radiotelevizionin e Maqedonisë theksoi se Qeveria e Maqedonisë zyrtarisht e ka ftuar Nimicin pas zgjedhjeve lokale të vijë në vend me ide të reja për tejkalimin e problemit me emrin, përcjell albinfo.ch.

“Duhet ta shfrytëzojmë dhe të ndërtojmë miqësi me të gjithë. Mund të jetë vetëm një lehtësim i mirë me politika të urta, të ecim përpara, për shkak se shansi për hyrje në BE është punë e madhe për Maqedoninë. Kjo sjell para për qytetarët, ekonomi të mirë, stabilitet dhe siguri për Maqedoninë dhe rajonin”, theksoi Zaev.