Zaev sot do ta dorëzojë dorëheqjen në Kuvend

Keystone

Kryeministri Zoran Zaev sot në Kuvend duhet të dorëzojë dorëheqjen nga funksioni, menjëherë pas përfundimit të fjalimit tradicional të presidentit Stevo Pendarovski, para deputetëve, transmeton albinfo.ch.

Pas disfatës në zgjedhjet lokale, Zaev paralajmëroi se do të tërhiqet nga të gjitha funksionet, ndërsa veç më ka dhënë dorëheqje nga pozicioni i liderit në LSDM, ku lider i ri u zgjidh Dimitar Kovaçevski, i cili duhet të jetë edhe mandatar për Qeverinë e re.

Pas dorëheqjes se Zaevit, Pendarovski duhet t’ia japë mandatin mandatarit të ri.

Sipas Kushtetutës, presidenti është i obliguar në afat prej 10 ditëve t’ia besojë mandatin partisë, përkatësisht partive që kanë shumicën në Kuvend.

Mandatari në afat prej 20 ditësh, nga dita e marrjes së mandatit, i dorëzon Kuvendit programin dhe e propozon përbërjen e Qeverisë.