Zari Xhaferi, sërish kandidat për deputet kantonal në Zug

28-vjeçari Zari Xhaferi, me prejardhje nga Gostivari, kandidon sërish për deputet kantonal në Parlamentin e Zugut

Ai sërish në Parlamentin e kantonit do ta përfaqësojë Partinë Socialdemokrate, me të cilën ishte edhe në mandatin e parë katërvjeçar 2011-2014.

“Ndoshta tashmë edhe e dini, unë kandidoj sërish për parlamentin kantonal. Sigurisht, shpresoj në mbështetjen tuaj”, shkruan deputeti zvicerane me rrënjë shqiptare.

Zari Xhaferi ka ardhur në Zvicër nga Gostivari në moshën 7-vjeçare. Bashkë me prindërit jeton në Baar të Zugut. Ka kryer gjimnazin dhe studimet në Shkollën e Lartë Pedagogjike, drejtimet: gjuhë gjermane, gjuhë angleze, histori dhe sport.

Pasionin për gazetari ai e ushtron në gazetën javore lokale “Zugerbitter Zeitung”.