Zbulohen dy anije të fundosura në Sisal

Një ekip arkeologësh ka zbuluar mbetjet e një anijeje luftarake holandeze nga shekulli i 18-të dhe një tjetër britanike nga shekulli i 19-të, sikurse edhe një far në tre zona të ndryshme në brigjet e plazhit Sisal, në gadishullit Yucatan, përcjell albinfo.ch.

Sisal është destinacion i qetë për turistë dhe ishte burim i rëndësishëm punësimi për peshkatarët mes shekujve 18 e 19. Ishte edhe port i rëndësishëm që tërhiqte qindra anije, shumica e të cilave asnjëherë nuk arritën në destinacion, sipas arkeologëve nga Instituti kryesor meksikan për antropologji dhe histori.

“Sisal njihet si port lokal, po ka rëndësi të madhe historike. Me ndihmën e këtij porti, i gjithë rajoni përjetoi zhvillim të madh kah fundi i shekullit të 18-të dhe fillimi i shekullit të 19-të”, tha Helena Barba, arkeologe. Zhytësit që i bënë këto zbulime i kanë shënuar gjetjet e tyre me fotografi e video. Anija tjetër është britanike. Elementet që posedon kjo anije tregojnë se kjo anije u ndërtua mes viteve 1807 dhe 1870.