Zijadin Sela, jashtë rrezikut

Sela është sulmuar, menjëherë pasi Institucioni më i lartë ligjvënës i Maqedonisë, votoi Talat Xhaerin, për kryetar të Kuvendit

Ndërkohë lajmet që vijnë nga Shkupi flasin për njüe gjendje jashtë rrezikut për deputetin Zijadin Sela. Edhe partia e tij, Lëvizja për Reforma në Partinë Demokratike Shqiptare në një deklaratë të saj konfirmon se ai, ndonëse në trajtim mjekësor, Sela është mirë dhe në gjendje stabile shëndetësore.

…

Mbështetësit e VMRO DPMNE-së që u futën dhunshëm në Kuvendin e Maqedonisë, kanë sulmuar deputetin shqiptar, Ziadin Seala, i cili sipas burimeve nga Shkupi, është në gjendje të rëndë shëndetësore. Sela është sulmuar, menjëherë pasi Institucioni më i lartë ligjvënës i Maqedonisë, votoi Talat Xhaferin, për kryetar të Kuvendit.

Sipas burimeve nga Maqedonia, Ziadin Sela, kryetar i Lëvizjes për Reforma në Partinë Demokratike Shqiptare, është sulmuar shumë rëndë nga njerëz me paska që hyjnë dhunshëm në Kuvend. Në qendër të sulmuesve ishin edhe lideri i LSDM-së Zoran Zaev, ku edhe dolën pamjet i cili ishte i mbuluar me gjak.

Të plagosur kanë mbetur edhe Radmilla Shekerinska dhe Damian Mançevski dhe një tjetër deputet nga LSDM si dhe gazetarët. Por, jozyrtarisht mësohet se Ziadin Sela ka pësuar më së keqi nga protestuesit e VMRO-së. Madje nëpër mediat dhe rrjetet sociale po shfaqet një foto, ku një person (nuk po shihen nëse vërtetë është Sela) i mbuluar me gjak dhe i shtritë në dysheme.

Por, ajo që është e vërtetë, Maqedonia gjendet në një gjendje të jashtëzakonshme, me situatë kaosi. Kundër dhunës janë deklaruar edhe diplomatët e huaj të akredituar në Shkup, të cilët kërkojnë për maturi dhe qetësi.