Zjarrfikësit në Kosovë protestojnë të enjten para Qeverisë për mospagesën e rrezikshmërisë

Zjarrfikësit në Kosovë do të protestojnë të enjten para objektit të Qeverisë së Kosovës.

“Njoftojmë të gjithë zjarrfikësit e Kosovës se protesta e lajmëruar nga Sindikata e Zjarrfikësve të Kosovës do të mbahet më 30.11.2023, në orën 11:00, para objektit të Qeverisë. Nisja bëhet nga parkingu mbrapa Pallatit të Rinisë, grumbullimi bëhet në orën 10:30 te parkingu. Të gjithë zjarrfikësit duhet të kenë me vete uniformën e mbrojtjes nga zjarri”, thuhet në njoftim.

Ata protestojnë pas largimit nga lista e punëtorëve që u takon të marrin shtesat e rrezikshmërisë.