Zvicër: Task Forca e Covid-19: “Bëmë një gabim”

pixabay

Në fillim të janarit Task Forca vlerësoi se 10,000 njerëz mund të shtrohen në spital në Zvicër në javët e ardhshme.

Shifrat aktuale nuk e kanë pasqyruar këtë skenar ekstrem, me shumë më pak pacientë Covid të pranuar në spitale që nga fillimi i vitit, transmeton albinfo.ch.

Numri aktual i shtrimeve në spital është “rreth 25-30 për qind më i ulët se sa supozohet në skenarin më optimist”, tha kreu i Task Forcës, Tanja Stalder, në një intervistë me SonntagsZeitung.

Arsyeja e këtij mbivlerësimi, sipas Stalder, është se Task Forca e bazoi parashikimin e saj në të dhënat e kombeve të tjera. Por, siç doli, “në Zvicër nevoja për t’u shtruar në spital me infeksion Covid është ulur më shumë se në vendet fqinje“.

“Ne bëmë një gabim”, shtoi Stalder, “skenari ynë, për fat të mirë, nuk u realizua”.