Zviceranët preferojnë vozitjen me 30 km/h

Pixabay: Ilustrim

Në Konferencën e Qyteteve për Lëvizshmëri po synohet që të ulet shpejtësia në 30 km/h.

“Zhurma e rrugëve, në veçanti, pengon zhvillimin urban, sepse recetat kundër zhurmës bllokojnë shumë projekte të ndërtimit dhe rinovimit të banesave”, thanë njëzet qytetet, anëtarë të CVM, në një deklaratë për shtyp të martën, përcjell albinfo.ch.

Zhurma duhet të reduktohet, në burim 30 km/h (në lokalitete, shënimi i redaktorit) është zgjidhja më e thjeshtë dhe më pak e kushtueshme, rekomandohet nga qytetet, shkruan RTS.

Për të ruajtur peizazhin, hapësirat e gjelbra dhe tokën e punueshme, zhvillimi i banesave duhet të përqendrohet në zonat urbane, është ajo që zviceranët vendosën kur pranuan rishikimin e ligjit për planifikimin rajonal (LAT) më 2013.

Shpejtësia nga 50 në 30 km/h, në lokalitete, do të rriste aspektin e sigurisë: “Ulja e shpejtësisë zvogëlon numrin dhe ashpërsinë e aksidenteve, falë bashkëjetesës më të mirë mes mënyrave të ndryshme të udhëtimit”, vlerësojnë qytetet nënshkruese. Përfitimet e tjera të kësaj mase përfshijnë rrjedhën më të mirë të trafikut, përcjell albinfo.ch.

“Një kufizim në 30 km/h në akset prioritare është në përputhje me funksionimin e duhur të transportit publik”, pohon CVM. Masat shoqëruese për kompensimin e humbjes së kohës.

CVM bashkon njëzet qytete, duke përfshirë Bienne, Carouge, Fribourg, Gjenevë, Lozana, Montreux, Neuchâtel, Nyon, Onex dhe Sion. Të gjithë ata kanë nënshkruar “Kartën për lëvizshmëri të qëndrueshme urbane”, shkruan RTS.