Zvicra, 500 milionë në Fondin e Kohezionit për Kroacinë

Në dritën e votimit të Iniciativës kundër Migracionit Masiv, të bërë më 9 shkurt, pjesëmarrja e Zvicrës në këtë kontribut ishte vënë në pikëpyetje

„Kontributi i kohezionit“ kështu quhet fondi të cilin e shtetet e “vjetra” të Bashkimit Evropian bashkë me Zvicrën, e mbushin për të ndihmuar shtetet që posa kanë hyrë në BE. Ashtu sikurse edhe për shtetet tjera të lindje që së voni janë bërë pjesë e BE-së, Zvicra duhej të paguante “kontributin e kohezionit” edhe për Kroacinë, si shteti më i ri, anëtar i BE-së.

Por, në dritën e votimit të Iniciativës kundër Migracionit Masiv, të bërë më 9 shkurt, pjesëmarrja e Zvicrës në këtë kontribut ishte vënë në pikëpyetje.

Megjithatë, fillimisht Dhoma e Kantoneve dhe tash se fundi edhe komisioni për politikë të jashtme i Dhomës Nacionale të Parlamentit të Zvicrës i kanë thënë po kësaj pjesëmarrjeje.

Komisioni i përmendur, i mbledhur të mërkurën, me 16 vota pro, me 4 kundër dhe 2 abstenime i ka rekomanduar Dhomës Nacionale që ta miratojë kredinë përkatëse.

Deri më tash, Zvicra në Fondin e kohezionit, për 12 shtete të reja të BE-së ka dhënë 1. 25 miliard franga. Me Kroacinë, kjo shumë rritet në 1. 3 miliard.