Zvicra bëhet vendi i parë në botë: Ndryshon pagesa e transportit publik

Nga viti 2020 pasagjerët në gjithë rrjetin e transportit publik të vendit nuk do të kenë më nevojë të blejnë një biletë fizike përpara udhëtimit të tyre

Zvicra pritet të bëhet vendi i parë në botë që ofron zgjidhjen “biletën e çmimit” për të gjithë përdoruesit e autobusëve, tramvajit dhe metrosë në gjithë rrjetin e tij të transportit, shkruan albinfo.ch.

Pas testimit të suksesshëm të kryer që nga viti 2018, rrjeti kombëtar i tarifave të transportit publik, njoftoi se sistemi do të zbulohet plotësisht në të gjithë Zvicrën në vitin 2020, pa specifikuar se në cilin muaj, shkruajnë mediat zvicerane.

Përdoruesit e transportit publik në gjithë vendin nuk do të kenë më nevojë për të blerë bileta kartoni ose të kenë para në të me të cilat mund të paguajnë një udhëtim.

Përkundrazi, ata do të kenë mundësinë e përdorimit të telefonave të mençur për të paraqitur udhëtimet e tyre në internet para se të fillojnë udhëtimin dhe të tregojnë kohën kur të zbresin. Nëse ata harrojnë, aplikacioni i transportit që ata zgjedhin të përdorin do t’i kujtojë ata të largohen, përcjell albinfo.ch.

Në fund të ditës, sistemi llogarit çmimin e udhëtimeve të bëra në rrjetin e transportit dhe faturon shumën përkatëse për konsumatorin, informon albinfo.ch. Biletat automatike aktualisht janë të disponueshme me aplikacione nga BLS, Fairtiq, SBB, Zürcher Verkehrsverbund dhe TCS.

Publiku do të jetë akoma në gjendje të blejë bileta fizike nga shitësit dhe shpërndarësit e tjerë.

 

---