Zvicra dhe Gjermania prinë me remitenca

Brenda një viti, afër 600 milionë euro ka qenë shuma që mërgimtarët kosovarë kanë dërguar në Kosovë

Diaspora kosovare vazhdon të luaj një rol vendimtar në ngritjen e mirëqenies sociale dhe në zhvillimin ekonomik të Kosovës. Brenda një viti, afër 600 milionë euro është shuma që mërgimtarët kosovarë çojnë në vendlindje, ndërsa pjesa më e madhe e remitencave vjen nga Zvicra dhe Gjermania. Këto të dhëna dolën të martën në një tryezë me temën”Roli i diasporës kosovare në zhvillimin ekonomik të Kosovës”, i organizuar nga Ministria e Diasporës e Republikës së Kosovës, në partneritet me Institutin për Hulumtime Zhvillimore-Riinvest. Ministri i Diasporës, Ibrahim Makolli tha se efektet e mërgimtarëve nuk janë vetëm sjellja e kapitalit në Kosovë, por e rëndësishme, sipas tij, është edhe përvoja, standardet dhe metodologjia e punës në vendet ku jetojnë dhe veprojnë. Ai, gjithashtu, ka potencuar se investitorët e huaj njësi matëse e konsiderojnë investimin e mërgimtarëve në vendin e origjinës.

 Ndërsa sipas të dhënave të Institutit Riinvest-it remitancat gjatë viteve kanë ndryshuar, por që lakorja ka shkuar vetëm përpjetë. “Në vitin 2004 janë regjistruar 357 milopnë euro remitenca; në vitin 2005-418 milionë; 2006-467 milionë; 2007-515 milionë; 2008-535 milionë; 2009-585 milionë; 2010-584 milionë dhe 2011-584 milionë euro”, thuhet në raportin e institutit Riinvest.  (Shkrimin me gjerësisht me të gjitha detajet mund ta lexoni të mërkurën në albinfo.ch)