Zvicra do të lejojë ukrainasit të punojnë

Ukrainasve u jepet statusi special S, i cili u lejon atyre të punojnë ose të studiojnë në Zvicër

Krerët e Sindikatës së Punëdhënësve të Zvicrës, Sindikatës Zvicerane, Sindikatës së Arteve dhe Artizanatit dhe Travail.Suisse u takuan me ministren e Drejtësisë, Karin Keller-Sutter, për të diskutuar mënyrat e lehtësimit të punësimit për refugjatët, duke siguruar mbrojtje kundër abuzimit dhe pagës nënçmimi, njofton albinfo.ch.

Për Këshillin Federal, qasja në punësim do t’u mundësojë refugjatëve ukrainas të marrin pjesë në jetën sociale dhe ekonomike dhe të bëhen të pavarur financiarisht gjatë qëndrimit të tyre në Zvicër.

Megjithatë, ushtrimi i një aktiviteti fitimprurës mbetet subjekt i autorizimeve kantonale, të cilat duhet të sigurojnë që kushtet e shpërblimit dhe të punës të jenë në përputhje me praktikat e zakonshme të vendit, profesionit dhe degës në fjalë.

BR Keller-Sutter hat mit Sozialpartnern diskutiert, wie #Schutzsuchende aus der #Ukraine in den Arbeitsmarkt integriert werden können. @arbeitgeber_ch @gewerbeverband @GewerkschaftSGB und @TravailsuisseCH helfen bei Bewältigung der Herausforderungen. https://t.co/AzwGgVj9t5 pic.twitter.com/qXJr0kSk8e

— EJPD – DFJP – DFGP (@EJPD_DFJP_DFGP) March 16, 2022

Ukrainasve u jepet statusi special S, i cili u lejon atyre të punojnë ose të studiojnë në Zvicër deri në një vit.

---