Zvicra financon eliminimin e ujërave të zeza në Gjakovë

Shteti zviceran kësaj radhe do të financojë projektin “Eliminimi i ujërave të zeza në jugperëndim të Kosovës – Faza III - në Gjakovë”

Qeveria e Zvicrës nëpërmjet programeve të saj do ta realizojë edhe një projekt të rëndësishëm në Kosovë. Shteti zviceran kësaj radhe do të financoj projektin “Eliminimi i ujërave të zeza në jugperëndim të Kosovës – Faza III – në Gjakovë”.

Nënshkrimi i këtij projekti do të bëhet sot në Ministrinë e Financave ndërmjet Qeverisë së Kosovës, dhe Qeverisë së Konfederatës Zvicerane përfaqësuar nga Sekretariati Shtetërorë për çështje ekonomike. Në këtë takim do të jenë të pranishëm, përfaqësuesit e Qeverisë së Kosovës dhe ata nga ambasada zvicerane.

Qeveria e Zvicrës është një nga donatorët kryesorë që ka mbështetur zhvillimin e Kosovës nga paslufta, ndërsa mbetet donatori kryesor në furnizimin e fshatrave me ujë.