Zvicra, marrëveshje me Maqedoninë për emigrantët ilegalë

Marrëveshja rregullon pranimdorëzimin reciprok të shtetasve të vet nga të dy shtetet

Zvicra me Maqedoninë kanë nënshkruar të premten një marrëveshje për kthimin në Maqedoni të migrantëve që jetojnë ilegalisht në Zvicër, njofton Byroja Federale për Migracion.

Kjo marrëveshje zëvendëson atë të arritur në vitin 1998 në mes të këtyre dy shteteve njofton nzz.ch.

Marrëveshja është nënshkruar në Maqedoni nga ministrja maqedonase e punëve të brendshme, Jankulovska dhe ambasadori i Zvicrës në Maqedoni, Stefabo Lazaroto.

Marrëveshja rregullon pranimdorëzimin reciprok të shtetasve të vet nga të dy shtetet. Po ashtu, me këtë marrëveshje mund të kthehen edhe persona nga shtete të treta ose persona pa shtetësi.

Deri më tash Zvicra ka nënshkruar marrëveshje të tilla me 45 shtete.