Zvicra përparon në aspektin e barazisë gjinore

Keystone

Ekspertët e pavarur të OKB-së thanë të premten se Zvicra ka bërë përparime në fusha të caktuara, por duhet të investojë më shumë në të tjera.

Duke folur në një takim në Gjenevë të Komitetit për Eliminimin e Diskriminimit ndaj Grave (CEDAW), ata mirëpritën strategjinë e qeverisë për barazinë gjinore 2030, e cila është në përputhje me rekomandimet e mëparshme të komitetit, sipas raportuesit të CEDAW për Zvicrën Corinne Dettmeijer- Vermeulen, transmeton albinfo.ch

Për sa i përket përparimeve, ekspertët e CEDAW theksuan gjithashtu përfaqësimin më të mirë të grave në politikë, një plan kombëtar kundër dhunës në familje dhe futjen e lejes së atësisë dyjavore. Por Dettmeijer-Vermeulen tha se komiteti mbetet i shqetësuar për çështje të ndryshme, duke përfshirë dallimet në burimet për burrat dhe gratë pas divorcit dhe dallimet midis kantoneve në shkallën e dënimit për përdhunim. Mungesa e një buxheti kombëtar për çështjet gjinore është gjithashtu në “kontradiktë” me strategjinë e politikave të lavdëruara nga qeveria, tha ajo.

Delegacioni i qeverisë zvicerane pranoi se nevojiten ende përpjekje, veçanërisht për reduktimin e hendekut gjinor në paga dhe dhunën ndaj grave.

CEDAW pritet të përgatisë një raport zyrtar me rekomandime në një datë të mëvonshme, transmeton tutje albinfo.ch