Zvicra shtrëngon sanksionet ndaj Bjellorusisë

Pixabay photosforyou Deutsch

Duke filluar nga 11 gushti, në orën 6 pasdite, Qeveria zvicerane po zbaton sanksione të mëtejshme ekonomike kundër Bjellorusisë. Këto përfshijnë kontrollet mbi tregtinë e mallrave të caktuara, si dhe kufizimet në sektorin financiar, tha Këshilli Federal në një deklaratë, transmeton albinfo.ch.

Kjo paketë e re e sanksioneve ekonomike ndaj Bjellorusisë vjen pas vendimeve të ngjashme të marra nga Bashkimi Evropian në qershor.

“Zvicra është thellësisht e shqetësuar për përkeqësimin e vazhdueshëm të të drejtave të njeriut në Bjellorusi dhe mungesën e dialogut midis qeverisë dhe shoqërisë civile”, shpjegoi Këshilli Federal.

Zvicra “vazhdon t’i bëjë thirrje Bjellorusisë t’u përmbahet detyrimeve të saj ndërkombëtare për të drejtat e njeriut, të cilat përfshijnë respektimin e të drejtave për lirinë e shprehjes, shoqërimit dhe tubimit, lirimin e të gjithë personave të ndaluar në mënyrë arbitrare dhe hetimin e pretendimeve për torturë ose keqtrajtimi nga forcat e sigurisë”, sipas Këshilli Federal. /Albinfo.ch