Zyrtarët e lartë zviceranë në SHBA po bisedojnë me administratën Trump për të shmangur tarifat tregtare

Karin Keller-Sutter dhe Guy Parmelin, të shoqëruar nga tre sekretarë të shtetit, janë në Shtetet e Bashkuara për të mbrojtur reduktimin e barrierave tregtare.

Presidentja Karin Keller-Sutter dhe ministri i Ekonomisë Guy Parmelin mbërritën në Uashington të mërkurën, për të bindur administratën amerikane që t’i hiqte tarifat prej 31 për qind – dukshëm më të larta se ato ndaj Bashkimit Evropian (10 për qind) – që Donald Trump i pati vendosur mbi eksportet zvicerane në fillim të prillit, përpara se t’i pezullonte përkohësisht, përcjell albinfo.ch.

Gjatë vizitës treditore, delegacioni zviceran do të nxjerrë në pah investimet e konsiderueshme të Zvicrës në SHBA, duke përfshirë 50 miliardë dollarë të zotuar së fundmi nga gjiganti farmaceutik Roche – i cili do të krijojë 12 000 vende pune – përveç 23 miliardë dollarëve të caktuar nga Novartis për tregun amerikan.

---