​Ursula von der Leyen javën tjetër viziton Kosovën

Kryetarja e Komisionit Evropian, Ursula von der Leyen, javën e ardhshme do të vizitojë Kosovën. Burime bëjnë të ditur se ajo do të qëndrojë në Prishtinë më 27 tetor.

Megjithatë, Von der Leyen do të ketë një vizitë edhe në Serbi dhe në vende të tjera të rajonit. Në Beograd ajo ka planifikuar të qëndrojë më 29 tetor.

Kjo vizitë vjen pas asaj të emisarit të Bashkimit Evropian për dialogun Kosovë-Serbi, Miroslav Lajçak, si dhe të dërguarit të posaçëm të Shteteve të Bashkuara të Amerikës për rajonin tonë, Gabriel Escobar.

Kjo vizitë vjen pak ditë para skadimit të afatit për regjistrimin e veturave me targa të Republikës së Kosovës të qytetarëve serbë, të cilët i kanë të regjistruara me targa ilegale të Serbisë.

Gjithashtu, më 28 tetor, kryetarja e Komisionit Evropian do të vizitojë Bosnjë e Hercegovinën si dhe Malin e Zi.