12 raste të reja me koronavirus në Shqipëri, 75 për qind e të infektuarve të shëruar

Gjatë 24 orëve të fundit në të gjithë Shqipërinë janë infektuar 12 persona me COVID-19.

Sipas Ministrisë së Shëndetësisë, gjatë 24 orëve të fundit janë kryer 170 teste të dyshuar si të infektuar, por vetëm 12 prej tyre kanë dalë pozitiv.

Rastet e të prekurve janë 8 në Tiranë, 2 në Kamëz, 1 në Krujë dhe 1 rast në Fier.

“Në 24 orët të fundit janë testuar 170 qytetarë të dyshuar si të prekur me COVID-19 dhe kanë rezultuar pozitivë 12 qytetarë, kontakte të rasteve të mëparshme. Shpërndarja e të prekurve me COVID-19 është si vijon: 8 raste në Tiranë, 2 në Kamëz, 1 në Krujë dhe 1 në Fier. Të shëruar janë 23 qytetarë. Që nga fillimi i epidemisë deri më sot janë konfirmuar pozitivë me COVID-19 në të gjithë vendin 868 qytetarë. Prej tyre 650 qytetarë ose rreth 75 për qind janë shëruar. Në të gjithë vendin aktualisht janë 187 persona aktivë me COVID-19, kryesisht ne Tiranë, Krujë, Shkodër, Kamëz”, tha Gentiana Qirjako nga Instituti i Shëndetit Publik.

---