15 muaj burg e 12 mijë euro gjobë për serbin që sulmoi KFOR-in në Zveçan

Zvecan

Gjykata Themelore në Prishtinë e ka dënuar të akuzuarin për sulm ndaj pjesëtarëve të KFOR-it në Zveçan, Nenad Orloviq, me 15 muaj burgim dhe 12.000 euro gjobë. 

Kryetarja e trupit gjykues, Valbona Musliu Selimaj, tha se vendimi do të bëhet direkt i zbatueshëm meqë vjen si rezultat i marrëveshjes për pranimin e fajësisë.

Shtetasi kosovar me kombësi serbe, Orloviq, u dënua për veprat penale pjesëmarrje në turmë që kryen vepra penale e huliganizëm dhe sulm ndaj personit zyrtar. 

Sipas aktakuzës, ai ka përdorur mjete të forta, mjete shpërthyese të improvizuara dhe armë zjarri në drejtim të pjesëtarëve të KFOR-it./koha.net