15 vjeçarët zviceranë, të parët në botë për konsumim të kanabisit

Ndërsa vajzat zvicerane të po kësaj moshe zënë vendin e tretë në botë, pas atyre nga Franca dhe nga Çekia

Në asnjë vend të botës si në Zvicër nuk ka kaq shumë djem 15 vjeçarë që kanë bërë përvojë në konsumimin (tymosjen) e kanabisit. Ndërsa vajzat zvicerane të po kësaj moshe zënë vendin e tretë në botë, pas atyre nga Franca dhe nga Çekia. Këto të dhëna i ka nxjerrë një sondazh i bërë në mesin e nxënësve, shkruan «NZZ am Sonntag».

Eksperti i drogës në Klinikën Psikiatrike Universitare të Cyrihut Boris Quednoow ka thënë për gazetën në fjalë se «varësia nga kjo drogë nënçmohet me të madhe». Konsumimi i rregullt i kanabisit çon në mungesë motivimi, gjë që është një parakusht i keq për të rinjtë që janë në periudhën e shkollimit. Nga ana tjetër,  Zvicra ka investuar miliona për parandalimin e varësisë ga droga te të rinjtë dhe kjo dukuri brengos ekspertët.

Konsumimi i kanabisit gjatë pubertetit është veçanërisht problematik pasi që përmban një substancë që mund të shkaktojë çrregullime psikike.