26.000 viktima në trafikun rrugor të Evropës për një vit

Në rrugët e Evropës në përgjithësi por edhe në ato të Gjermanisë, ka sërish rritje të numrit të të vdekurve në aksidente trafiku. Vitin e kaluar, 2015, pas një trendi që shkonte në ulje, për herë të parë është shënuar rritje e numrit të viktimave në trafik.

Trendi në fjalë kishte filluar në vitin 2001, mirëpo në vitin që shkoi janë regjistruar 26.000 viktima, që përbën ngritje.

Kështu shkruan «Welt Online» e të hënës, duke iu referuar raportit më të ri vjetor të Komisionit të BE-së për sigurinë në trafikun rrugor. Raporti i plotë do të prezantohet të mërkurën.