3 vlerat që kripa e detit i dhuron

Kripa natyrale e detit njihet për vlerat e saj të pafundme në shëndetin e njeriut, e sidomos në lëkurë.

Kjo kripë është e mbushur me minerale, si magnezi, kaliumi dhe kalciumi, të cilat ndihmojnë në largimin e papastërtive dhe largojnë inflamacionin.

Në këtë artikull nga AgroWeb.org do t’ju tregojmë se si të përfitoni në tri mënyra nga ky produkt natyral.

Ndiqni më poshtë të gjitha këshillat e shpjeguara hap pas hapi.

Pastron lëkurën

Nëse keni kohë që nuk bëni një pastrim fytyre, e ndjeni atë të ashpër, të mbushur me papastërti e të thatë, atëherë keni nevojë për skrab.

Skrab-i apo scrub nga anglishtja është procesi i fërkimit të lëkurës me kripë, sheqer apo ndonjë copë të ashpër për të nxjerrë jashtë papastërtitë.

Ky proces zakonisht bëhet gjatë apo pak pas dushi, kur lëkura është e butë dhe poret janë të hapura.

Kështu kripën e detit mund ta përdorni për të krijuar një skrab të shëndetshëm në shtëpi, bashkojeni me pak mjaltë.

Përzieni në një enë 2 lugë gjelle kripë deti apo kripë të trashë dhe 3 lugë e gjysmë mjaltë.

Merrni pak nga kjo masë në duar dhe fërkoni lëkurën e trupit, duke ushtruar forcë derisa të fillojë të skuqet paksa.

Ndërsa për fytyrën bëni një masazh më të lehtë, në mënyrë që të mos e acaroni lëkurën.

Kundër zbokthit

Keni probleme me zbokthin?

Kripa e detit mund t’ju vijë në ndihmë menjëherë.

Mjafton të ndani flokët në gjysmë të hidhni pak kripë tek skalpi juaj dhe të masazhoni kokën lehtë.

Kjo do të largojë gradualisht zbokthin, ndërsa në fund mos harroni të lani flokët.

Zbardh dhëmbët

Kripa mund të largojë gurëzat, papastërtitë dhe të gjitha problemet që mund të keni me ngjyrimin e dhëmbëve.

Përzieni gjysmë luge çaji me kripë deti dhe një lugë çaji me sodë buke, e më pas aplikojeni tek pasta e dhëmbëve dhe lani dhëmbët si zakonisht.

Kjo metodë pastrami nuk rekomandohet ta bëni çdo ditë, pasi mund të acaroni mishrat e dhëmbëve dhe gjithë gojën, ndaj limitojeni në 1 herë në javë./AgroWeb.org

---