31% më shumë kërkesa azili se në qershor por 5% më pak se para një viti

Kur të krahasohet numri i kërkesave për azil, të ardhura në korrik të vitit 2019 me atë të korrikut të vitit 2018, na del një ulje prej 5 për qind

Në Zvicër vazhdon prej vitesh trendi i rënies së numrit të kërkesave për azil. Megjithatë, gjatë korrikut të këtij viti, në këtë vend janë bërë gjithsej 1311 kërkesa për azil, një shifër kjo që është për 31 për qind më e lartë se ajo e muajit qershor.

Por, sipas një komunikate të Sekretariatit Shtetëror për Migracion (SEM), numri i kërkesave për azil, i regjistruar në qershor kishte qenë jashtëzakonisht i ulët, ose rreth 30 për qind më i ulët se ai i qershorit të vitit 2018. Kur të krahasohet numri i kërkesave për azil, të ardhura në korrik të vitit 2019 me atë të korrikut të vitit 2018, na del një ulje prej 5 për qind.

Sikurse edhe në muajt e kaluar, më së shumti kërkesa për azil, gjatë korrikut kanë bërë personat nga Eritrea (289), transmeton albinfo.ch. Pas tyre vijnë shtetasit e Turqisë (154), ata të Afganistanit 135), të Sirisë (113) dhe të Algjerisë 84.

Gjatë korrikut, Zvicrën e kanë lëshuar në mënyrë të kontrolluar 574 azilkërkues. Zvicra gjatë muajit në fjalë ka kërkuar nga shtetet tjera, anëtare të Marrëveshjes së Berlinit që ato të pranojnë 385 persona ndërsa ato kanë pranuar vetëm 193 persona nga kjo kategori.

Ndryshe, që nga fillimi i vitit 2019, në Zvicër kanë kërkuar azil 8340 persona.

---