Zvicër: 4 miliardë franga për kompaninë energjitike Axpo

(KEYSTONE/Gaetan Bally)

Raportohet se për shkak të rritjes së mprehtë të çmimeve në tregjet e energjisë, Këshilli Federal vendosi të martën t’i japë Axpo-s një kredi prej 4 miliardë CHF, përcjell albinfo.ch.

Kjo shumë e parash u dha që Axpo të mos ketë probleme likuiditeti dhe për këtë arsye ka vendosur të aktivizojë planin e shpëtimit në bazë të një urdhërese domosdoshmërie dhe t’i japë kompanisë linjën e kreditit të pashfrytëzuar ende.

E gjithë kjo mbështetje erdhi pasiqë trupi i madh i energjisë elektrike paraqiti kërkesën për mbështetje të përkohshme në Këshillin Federal, shpjegoi Zyra Federale e Energjisë (SFOE) në një deklaratë të martën.

Qeveria u përgjigj pozitivisht për të mos rrezikuar furnizimin me energji të Zvicrës.

Vlen të theksohet se Axpo është një kompani e rëndësishme sistemike e energjisë elektrike për Zvicrën.