Swissmedic sqaron: Vdekja e 91-vjeçarit nuk ka lidhje me vaksinimin e tij

Personi që vuante nga disa sëmundje të rënda të mëparshme ka vdekur disa ditë pas një vaksinimi kundër Covid 19 në një shtëpi pleqsh

Autoriteti zviceran i barnave dhe i vaksinave Swissmedic thotë se  vdekja e personit 91-vjeçar nuk ka asnjë lidhje shkakësore me vaksinimin nga Covid-19.

Ky rezultat del nga hetimet që kanë zhvilluar autoritetet shëndetësore kantonale dhe Swissmedic, shkruan srf.ch.

Nisur nga historia mjekësore e personit dhe rrjedha e sëmundjes së tij, vendosja e lidhjes midis vdekjes së personit dhe vaksinimit nga Covid-19 nuk është e besueshme, ka njoftuar Swissmedic të mërkurën.

Sipas autoritetit në fjalë, personi që vuante nga disa sëmundje të rënda të mëparshme ka vdekur disa ditë pas një vaksinimi kundër Covid 19 në një shtëpi pleqsh.

Informacioni gjithëpërfshirës i disponueshëm dëshmon se sëmundjet para-ekzistuese kanë qenë shkak natyror i vdekjes, trasnseton albinfo.ch.

Departamenti i shëndetësisë në Lucern kishte raportuar rastin tek Swissmedic, i cili ka aprovuar vaksinën e administruar nga Pfizer / Biontech.

Të gjitha mediat zvicerane sot kanë njoftuar për rastin e përmendur të vdekjes, me vërejtjen se nuk dihet nëse vdekja ka ndodhur si rezultat i vaksinimit.

---