53 migrantë të vdekur ose zhdukur nga përmbysja e një varke pranë Libisë

Foto nga arkiva

53 migrantë, në mesin e të cilëve dy foshnje, rezultojnë të vdekur ose të zhdukur pasi një gomone që mbante 55 persona u përmbys pranë brigjeve të Libisë, ka njoftuar sot Organizata Ndërkombëtare për Migracionin.

Varka ishte nisur nga Zawiya të enjten dhe është përmbysur pranë Zuwara të premten, ka thënë IOM në një deklaratë, teksa Zawiya dhe Zuëara janë qytete bregdetare në perëndim të kryeqytetit libian, Tripoli, transmeton albinfo.ch.

“Vetëm dy gra nigeriane u shpëtuan gjatë një operacioni kërkim-shpëtimi nga autoritetet libiane. Një e mbijetuar raportoi se kishte humbur burrin e saj, ndërsa tjetra tha se kishte humbur dy foshnjat e saj në tragjedi”, thuhet në njoftimin e IOM.

Mbi 1,300 migrantë janë zhdukur në Mesdheun Qendror në vitin 2025, sipas agjencisë së OKB-së ndërsa vetëm në janar, të paktën 375 migrantë u raportuan të vdekur ose të zhdukur në zonë pas përmbytjes së disa anijeve “mes motit ekstrem”, teksa qindra vdekje të tjera që besohet se kanë mbetur të paregjistruara.

“Incidenti i fundit e çon numrin e migrantëve të raportuar të vdekur ose të zhdukur në këtë rrugë në vitin 2026 në të paktën 484”, ka thënë agjencia.