60 mijë të rinj nuk janë të regjistruar në zyrat për punësim

Statistikat zyrtare tregojnë se rreth 20,000 të rinj janë të papunë. Ekonomisti, Michael Siegenthaler thotë se janë shumë më tepër.

20’640 të rinj  në përputhje me statistikat e Sekretariati Shtetëror për Çështje Ekonomike (SECO) janë të papunë në Zvicër. Në këto statistika janë të regjistruar vetëm të rinjtë nga 15 deri në 24 vjeçare, të cilët janë regjistruar në ndonjërn nga qendrat rajonale të punësimit (RAV).

Numri i të rinjve që kërkojnë punë është shumë më i madh, siç shkruan “Sonntagszeitung”, përcjell albinfo.ch. Në tremujorin e dytë llogariten një nga  tre të rinj të paregjistruar në RAV.

Në RAV çdo vit rreth 10.000 deri 20.000 të rinj janë të regjistruar si të papunë. Sipas Michael Siegenthaler, ekonomist për hulumtime ekonomike në ETH Zürich, varësisht nga tremujori, 25,000 deri 60,000 të rinj janë në kërkim të një vendi pune, e të cilët nuk janë të regjistruar në RAV.

Rreth 130,000 intervista telefonike nga Zyra Federale e Statistikave në bazë të kritereve të Organizatës Ndërkombëtare të Punës ILO  tregojnë një shkallë të papunësisë prej 6.8 për qind të të rinjve ndërsa sipas SECO-s kjo shkallë është vetëm 3.7 për qind.