7 këshilla si ta mbani koronën larg nga vetja

Thomas Steffen, Mjeku Kantonal Basel-Stadt dhe anëtar i Bordit të Drejtorëve të Shoqatës së Mjekëve Kantonalë të Zvicrës, i ka përmbledhur masat në shtatë këshilla praktike

Ka masa të ndryshme që duhet respektuar për ta mbajtur sa më larg koronavirusin. Por  Thomas Steffen, Mjeku Kantonal Basel-Stadt dhe anëtar i Bordit të Drejtorëve të Shoqatës së Mjekëve Kantonalë të Zvicrës, i ka përmbledhur ato në shtatë këshillat që vijojnë:

1. Vënia e maskës dhe mbajtja e distancës janë më të mirat. Gjëja më e rëndësishme është dhe mbahtet distanca, transmeton albinfo.ch. Vendosja e maskës gjithashtu ndihmon.

2. Maska nuk është e nevojshme kur vraponi në pyll, i vetmuar. Kursejeni maskën atje dhe përdoreni aty ku është vërtet e përshtatshme, dhe e nevojshme, për shembull në stacionin e autobusit.

3. Konceptet e mbrojtjes në vendin e punës janë të një rëndësie qendrore. Por edhe puna nga shtëpia gjithashtu ndihmon sepse në këtë mënyrë zvogëlojmë kontaktet në popullatë dhe në këtë mënyrë, rrjedhimisht ulet edhe rreziku i infektimit.

4. Nëse keni ndjenjën se duhet të testoheni, atëherë duhet të testoheni.

5. Dizenjoni konceptet tuaja të mbrojtjes dhe masat e higjienës në atë mënyrë që të mund të vazhdoni t’u përmbaheni atyre brenda tre muajsh. Mos e teproni me masa sepse ashtu mund të dorëzoheni shpejt dhe të prishni rregullin.

6. Masat mbrojtëse në takimet private nuk duhet të jenë tabu. Lirisht flisni për këtë.

7. Kushtojini vëmendje stresit tuaj psikologjik, ngarkesave psikike. Madje edhe nëse kjo nuk është diçka që ju karakterizon ju, kushtojini vëmendje edhe të tjerëve, përcjell albinfo.ch. Krijoni ishuj qetësie për vete.

---